Vice president Osinbajo and im wife Dolapo join di farewell service for Dare Adeboye
Di service of songs of di son of di General Overseer of di Redeemed Christian Church of God, Pastor Oluwadamilare Temitope Adeboye wey die on May 5, don hold today for di RCCG Redemption camp wey dey Lagos-Ibadan express way.
Nigeria vice-prez, Professor Yemi Osinbajo and im wife Dolapo dey among di pipo wey gather for di programme alongside di wife of di late Pastor, Temiloluwa Adeboye and dia pikins.
For inside one statement wey Leke Adeboye wey be di younger brother of late Pastor Dare release earlier dis week, di farewell service and burial go happun on Tuesday 11 May, 2021.
See pictures from di event:
Pictures Excerpts Of Late Pastor Dare Adeboye's Family At His Farewell Service.#DareAdeboye #Tuesdaymotivation #Adeboye #farewell pic.twitter.com/SEpxcPXNhz
— 1stnewsng (@1stnewsng) May 11, 2021
