A mafi yawan lokuta ana gudanar da azumin watan Ramadan ne a Najeriya a lokacin zafi
A mafi yawan lokuta ana gudanar da azumin watan Ramadan ne a Najeriya a lokacin zafi.
A wannan shekarar ma 'yan Najeriya, musamman wadanda ke zaune a arewacin kasar, suna fama da zafi a lokacin azumi.
Hakan ya sa a lokuta da dama za ka ga masu aikin ƙarfi na neman abinci cikin zafin rana.
Yayin da ake shirin shiga kwanaki goma na ƙarshe na watan Ramadan, mun kawo muku jerin hotunan yadda al'ummar musulmi a Najeriya da ke aikin ƙarfi ke neman abinci da azuminsu a baki.
Wasu matasa ke yanka katako kafin buɗe baki
Anan wani mutum ne yake tura kurar ruwa yana neman masu saye wataƙila don su yi aikin abincin buɗe baki a birnin Kano...
Wadannan masu sana'ar sayar da ruwan baron suna tallan ruwan da tsakar rana
Matsashi na aikinsa na kafinta da tsakar rana
Wani yaro da ke sana'ar jari-bola da tsakiyar rana.
